2 ka tasang pilit
1 ka gamayng lubi nga kinagod
1 ka tasang asukal
1/2 sa tasang linga
Humoli ang pilit dli mokulang sa 4 ka oras, ug unya galinga aron mahimong gahi nga masa. Himoang gagmay nga bola-bola ug palapara pinaagi sa tudlo sa kamot. Ilunod sa nagbukal nga tubig. Inig lutaw, sandoka ug ibutang sa bugnawng tubig aron dli magtapot. Patulua ug idulot uban sa kinagod nga lubi ug dinugmok nga linga.
1 ka tasang bugas humay
1 ka tasang asukal, puti
3 ka tasang tuno sa lubi
Diyutayng pinolbos nga anis
Humoli ang bugas humay sa 1 1/2 ka tasang tubig dili mokulang sa 4 ka oras ug galinga nga pino kaayo. Ilunod ang tuno sa lubi ug asukal. Pabukala hangtud maespeso ug mapino ang grano sa kasarangang kainit sulod sa mga 25 ka gutlo, nga kanunay ang paglahugay. Ibutang sa mga pinggan porselana nga lawom ug pinahiran sa manteka. Pabugnawa. Idulot nga hiniwa uban sa tostadong lubi.
1 ka kilong ubi
1 ka tasang bugas humay
3 ka tasang tuno salubi
2 1/2 ka tasang asukal
Diyutayng anis nga pinolbos
Paniti ang ubi, nigpisa paghiwa, palapawi sa tubig ug pabukala hangtud mahumok pag-ayo. Daboka pag-ayo ug salaa sa hagashas nga alasan. Humoli ug galinga ang bugas sa 1 1/2 ka tasang tubig. Sagola ang ginaling nga humay, ubi, asukal, tuno sa lubi ug anis. Lutoa sa kasarangang kainit hangtud ma-espeso ug mapino ang grano. Balhina sa lawom nga pinggan nga pinahiran ug manteka ug pabugnawa. Idulot nga hiniwa uban sa tostadong lubi nga kinagod.
3 ka tasang pinipig
1 1/2 ka tasang asukal
2 ka tasang espeso nga tuno sa lubi
Diyutayng sinanlag nga anis
Human kalimpiyohi, ihumol ang pinipig sa sa ka tasang tuno sa lubi ug tubig sulod sa 30 ka gutlo. Pabukala ang nahibiling tuno sa lubi kauban sa asukal. Pagkaespeso sa latik, ilunod ang pinipig. Lahugaya samtang lutoon hangtud maespeso ug mohagkut. Ibutang sa sudlanan nga hinanigan ug dahon sa saging. Idulot uban sa tostadong lubi nga nahimo sa mosunod: Tostado sa kalaha ang 1 ka tasang lubi nga nakuhaan sa tuno, uban sa 2/3 sa tasang asukal. Lamhugaya kanunay hangtud mapula-pula ug mapagudpod.
2 ka tasang pilit
1/2 sa tasang kamay, pula
3/4 sa tasang espesong tuno sa lubi
3 1/2 ka tasang lasaw nga tuno sa lubi
1 ka kutsaritang asin
1/4 sa kutsaritang pinolbos nga anis
Pabukala ang lasaw nga tuno sa lubi sa kalaha. Ilunod ang pilit ug asin. Pabukala hangtud mauga ug diyutay, ukaya kanunay aron dili mapagong. Pahinayi ang kalayo, ug ilunod ang 2/3 sa tasang kamay. Hanigi ang bingkahan ug hinalobang dahon sa saging ug ibutang niini ang tinimpla. Ibubo ang espesong tuno sa lubi sa ibabaw ug ang nahibiling kamay ug anis. Butangig mga baga ang ibabaw sa tabon sa bingkahan ug hudnoha hangtud mapula-pula
1 ka tasang dahon sa kamunggay
1 ka tasang kalabasa, kuwaddradong pagkahiwa
1 ka tasang bantiyong, hiniwa
Asin
1 ka tasang tokwa, pinirito, kuwadradong pangkahiwa
1/2 sibuyas
1 ka tasang tubig sa kinilis
Kamatis
Ilunod ang kinilis nga tubig ug pabukala. Human sa 5 ka gutlong pagluto, ilunod ang tokwa ug bantiyong. Pagkahumok sa bantiyong, ilunod ang kamunggay ug lutoa sa 2 pa ka gutlo. Ikadulot sa 6.
1/2 sa kilong ginaling nga gluten, luto
1 ka sibuyas, tinadtad
1 ka lusok nga ahos, dinukdok
3 ka itlog, linung-ag
Asin
1 ka tasang tubig
1 ka kutsarang manteka
6 ka saging sab-a
1/2 sa tasang dinugmok nga pan
3 ka tasang kan-on humay
Gisala ang ahos, sibuyas ug gluten. Ilunod ang tubig ug lutoa hangtud mobukal. Ilunod ang dinugmok nga pan. Timplahi sa asin. Hiwaa sa tinag-as ang saging ug pritoha. Ibutang sa tunga sa bandehado. Ibutang sa tunga sa bandehado ang linutong gluten. Ihan-ay ang kan-on hmay palibot niini. Dayandayani sa pritong saging ug itlog nga linung-ag. Ikadulot sa 6
1 ka tasang gluten ginaling, hilaw
1 ka itlog
1/2 sa tasang dinugmak nga tokwa
1 ka kutsarang manteka
1/2 sa tasang miswa
2 ka lusok nga ahos, dinukdok
1 ka sibuyas, inad-ad
Asin itimpla
1 ka kutsarang berdeng sibuyas, tinadtad
Isagol sa ginaling nga hinawng gluten, ang tokwa, berdeng sibuyas, itlog ug ang gitinguhang pagpalami. Bola-bolaha sama kadagku sa kalamansi. Gisala ang ahos ug sibuyas ug ilunod ang 3 ka tasang tubig. Pagbukal sa tinimpla, tagsatagsaa paglunod ang bola-bola. Inigkaluto sa bola-bola, ilunod ang miswa ug hanona dayon. Timplahi sa asin ug pamita. Ikadulot sa 3.
3 ka tasang dabong, inad-ad ug linawaan
1 ka tasang inad-ad nga gluten o tokwa
5 ka lusok nga ahos, tinadtad
4 ka kutsarang duga sa kalamansi
Asin itimpla
1 ka sibuyas, kasagarang kadaku, tinadtad
1 1/2 ka kutsarang toyo
2/3 sa tasang sabaw sa gluten o sinambog sa toyo ug tubig
5 ka kutsarang manteka
Gisala hangtud mapula-pula ang ahos ug sibuyas. Ilunod ang gluten of tokwa. Padayona pagluto sa manteka ang tinimpla. Ilunod ang toyo ug dabong. Hinaya pagpabukal hangtud maluto ang dabong.
Mahimong ilunod ang sabaw sa gluten kon wala pa maluuto ang dabong. Idugang ang duga sa kalamansi ug padayona pagluto hangtud mangalisngaw na ang tanang tubig. Ilunod ang manteka ug padayona pagluto mga 6 pa ka gutlo. Timplahi sa asin. Ikadulot sa 4 ngadto sa 6.