PINAKBET

4 ka gagmayng paliya
4 ka talong, kasagarang kadau
3 ka kamatis
1 ka sibuyas
4 ka kutsarang toyo
Luy-a
5 ka pirasong okra
Asin itimpla

Andama ang mga utanon ug hiwaa sa 4 ka piraso ang matag usa sa paliya ug talong. Ibutang sa kaserola, unya ilunod ang okra, hiniwang kamatis, sibuyas ug luy-a nga gipino-pino paghiwa. Idugang ang toyo ug pabukala. Ilunod ang 2 ka kutsarang manteka. Lutoa hangtud mahurot na ang mga utanon, apan dili lata. Ikadulot sa 4.

SINIGANG

4 ka pirasong sambag
6 ka tasang tubig nga kinilis sa humay
1 ka gamayng sibuyas, hiniwa
2 ka talong kasarangang kadaku, hiniwa
1 ka kutsarang luy-a, dinukdok
4 ka tasang dahon sa kamote
Asin

Lat-i ang sambag sa 1 ka tasang tubig nga kinilis. Pagkahumok, daboka ang unod. Alasa ug idugang ang nahibiling tubig nga kinilis. Taboni ug pabukala. Ilunod ang sibuyas, kamatis, talong ug luy-a. Taboni ug lutoa sa 5 ka gutlo. Ilunod ang dahon sa kamote ug lutoa sa 4 pa ka gutlo. Idulot nga init. Ikadulot sa 6.

TINOLA

2 ka binatil nga itlog
Kalubasang ginagmayng pagkahiwa
Sibuyas
Luy-a
Ahos
3 ka patatas
Asin

Gisala ang ahos, luy-a ug sibuyas, ug ilunod ang binatil nga itlog. Gagmaya paghiwa. Lundig igong tubig nga makaluto sa patatas ug kalubasang puti; lutoa hangtud mahumok. Timplahi sa asin. Idulot nga init.

PINEAPPLE-BANANA BREEZE

Buboi ang 1 ka saging ug 2 ka kutsarang duga sa lemon o kalamansi (presko, pinabugnaw, o de lata), ug daboka sa tenidor. Lundi ug 2 ka tasang duga sa pinya ug batila hangtud maayong pagkasagol. Sudlig dinugmok nga yelo ang 3 ka baso ug idulot.

ZOMBIE

1 ka saging
1 ka mangga
1 ka hiwang kapayas (kasarangang kadaku)
Igong itimpla nga duga sa kalamansi o kahil
1/2 sa tasang tuno sa lubi 1/2 a tasang krema sa lubi

Kagosa ang unod sa hinog nga mangga. Daboka ang saging ug kapayas. Mahimo kining dabokon diha sa alasan o kusgon pagbatil sa egg beater hangtud mapino ang grano sa tinimpla. Sa 2/3 sa tasang tinimpla, idugang ang 1/3 sa tasang tubig o kapin pa sumala sa magustohan. Unya timplahi sa duga sa kalamansi ug asukal.

LIME TWINKLE

1/2 sa tasang duga sa kalamansi o sa lemon
3/4 sa tasang asukal
2 ka tasang tubig

Sagola ang duga sa kalamansi o lemon, asukal ug tubig. Lahugaya aron matunaw ang asukal. Pabugnawa. Sa dili pa idulot butangig pirasong mga yelo ang 6 ka baso. Sudli ang mga baso ug tubig de karbonato o ilimnong lemon-lime. Mahimo usab nga tubig ray gamiton. Timplahi sa asukal, kon kinahanlan.

GOLDEN PUNCH

1/2 sa tasang duga sa kalamansi ug
1/2 sa tasang asukal (o 1 ka de latang pinabugnaw nga lemonade concentrate, walay asukal)
3/4 sa tasang tubig bugnaw, o kapin pa
2 ka tasang duga sa kahil
1 ka tasang de latang apricot nectar, bugnaw
1 ka tasang ginger ale

Ayoha pagsagol. Mahimong 8 ka baso

SORBETENG SAGING

2 ka tasang gatas
1 ka kutsarang harina
Diyutayng asin
1 ka itlog
1/2 sa tasang asukal
2 ka tasang lasawng krema o gatas ebaporada
2 ka maayong pagkahinog nga saging
1 ka kutsarang duga sa lemon

Paghimog letse plan sa gatas, asukal, harina, asin ug itlog. Alas ug unya pabugnawa. Ilunod ang krema ug saging nga gipaagi sa alasan. Idugang ang duga sa lemon ug pabugnawa sa freezer. Makahmog 6 ka tasang sorbetes.

LINATIKANG SAGING

6 ka saging (gahion)
Asukal
Duga sa kalamansi
Manteka

Paloti ang mga saging. Sabulakig duga sa kalamansi. Buliborig asukal ug hinayhinayi pagprito sa manteka hangtud mahumok ug mapula-pula, unya bali-baliha aron maangay ang pagkapula-pula. Idulot nga init.

TORON

4 ka saging saba
8 ka putos sa lumpia
3 ka kutsarang manteka
1/4 sa tasang asukal nga repinado
1 ka kutsarang cinnamon

Paloti ug tung-a paghiwa gna pinataas ang tagsa ka saging. Pusta ang tagsa ka hiwa sa putos sa lumpia. Hugta ug pil-a ang masigkatumoy. Pritoha sa kasarangang init nga manteka hangtud mapula-pula. Patuloa ang manteka g bulibori ang matag piraso sa tinimplahang asukal ug cinnamon. Idulot samtang kagumkom pa ang mga putos.